試過嘅人就知：被背叛造成嘅傷痛同埋陰影係一世都唔會忘記。
每當見到你曾經心愛嘅另一半同另一個人背住你偷食嘅相片，你個心都會好似比針吉咗一下咁。就算過咗一段長時間，傷口已經被撫平，諗返起呢一件往事都會有淡淡然嘅傷痛。
已經過咗幾年，雖然你都忘記得7788；當有下一個人出現，你不期然會將往事同眼前人一齊聯想，好驚再次投入一段關係又會再被背叛或者傷害。於是你小心翼翼去處理呢段關係，永遠就住就住唔敢完全投入去愛。
如果你試過背叛另一半，離棄嗰一個曾經同你共過患難、雪中送炭嘅伴侶，只係因為新鮮感、貪玩而做出傷害愛人嘅事；
請你傷害完佢之後立即離開佢，因為佢值得更好嘅人。最後請相信山水有相逢，你今日對人做過嘅事他日一定會去返你身上。
Search